Julius Robert Oppenheimerin həyatından bəhs edən və tənqidçilər tərəfindən yüksək qiymətləndirilən “Oppenheimer” filminə görə Oskardan təəccüblü bir qərar gəldi. “Oppenheimer” filmi Oskar siyahısına daxil edilməyib.

Rejissoru Kristofer Nolanın atom bombasının istehsalından bəhs edən filmi iyulun 21-dən kino dünyasının gündəmindən düşmür.

"Barbie" ilə eyni gündə çıxan “Oppenheimer” Oskar yarışında ən güclü namizədlərdən biri hesab olunur. 96-cı Oskar mükafatlandırma mərasimində "Ən yaxşı vizual effekt" mükafatına namizəd olacaq filmlərin qısa siyahısı açıqlanıb. Lakin “Oppenheimer”in bu siyahıda yer almaması təəccüblüdür.

Bu ilin əsas filmlərindən biri olmasına baxmayaraq, “Oppenheimer” siyahıya daxil edilməyib. Hazırda 20 filmin yer aldığı siyahı daha sonra 10-a endiriləcək və dekabrın 21-də finalçıların müəyyənləşdirilməsi üçün elan veriləcək.

Oskar mükafatına namizəd olacaq 5 film yanvarın 23-də açıqlanacaq. 96-cı Akademiya Mükafatları 10 mart 2024-cü ildə keçiriləcək. 

Nuray