"Gəmiqaya Taxıl Məhsulları" Məhdud Məsuliyyətli Cəmiyyəti barəsində gömrük qaydaları əleyhinə olan (Mallar və nəqliyyat vasitələri gətirilərkən və ya aparılarkən müvafiq icra hakimiyyəti orqanına məlumatın verilməməsi və ya təhrif olunmuş məlumatın verilməsi, yaxud əvvəlcədən qısa idxal bəyannaməsinin verilməməsi) inzibati xəta protokolu tərtib olunub.

Valyuta.az-ın məlumatına görə, protokol İnzibati Xətalar Məcəlləsinin 485.2-ci maddəsi ilə irəli sürülüb.

İnzibati Xətalar Məcəlləsinin 485.2-ci maddəsinə əsasən, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər 1000 manat, hüquqi şəxslər 1500 manat məbləğində cərimə edilir.

İş Naxçıvan Şəhər Məhkəməsinin hakimi Qabil Məmmədov icraatındadır.

"Gəmiqaya Taxıl Məhsulları" MMC 22.02.2010-cu ildə dövlət qeydiyyatına alınıb. Şirkətin nizamnamə kapitalı 400 manat, qanuni təmsilçisi Qardaşxan Əliyev Qənbər oğludur. Hüquqi ünvanı Az7000 Naxçıvan şəhəri, N.Tusi ev 5-də yerləşir.

Vüqar