Ukrayna Avropa İttifaqından Rusiyanın dondurulmuş aktivlərindən əldə edilən gəlirlərdən əlavə 5 milyard avro təhvil verməsini tələb edir. 

Valyuta.az xəbər verir ki, bu barədə "Politico" məlumat yayıb.

Avropadakı Rusiya aktivlərinin böyük əksəriyyətinə sahib olan "Euroclear"a sərmayələrindən əldə edilən gəlirləri Ukraynaya göndərmək əvəzinə 2022 və 2023-cü illərdə saxlamağa icazə verilib.

Ukraynayönlü lobbi qrupunun nümayəndəsi Yelena Qaluşka nəşrə bildirib ki, bu iki il ərzində 5 milyard avro gəlir Beynəlxalq Valyuta Fondunun (BVF) proqramının bir ilinə bərabərdir.

Bununla belə, Avropa Komissiyası hələ də Rusiya Federasiyasının 2024-cü il fevralın 15-dən sonra əldə etdiyi dondurulmuş aktivlərdən əldə edilən gəlirin 90%-nin istifadəsini təklif edir. Yəni, bu vaxta qədər əldə edilən mənfəət "Euroclear"da qalacaq.

AK həmçinin bildirib ki, "Euroclear"ın saxladığı 5 milyard avro ona Rusiya və digər ölkələrdə mövcud və gələcək hüquqi iddiaları ödəməyə imkan verəcək buferdir.

"Euroclear"Rusiyanın aktivləri ilə əlaqəli 2022-2023-cü illər üçün mənfəətin "adi biznesin" bir hissəsi kimi əldə edilən mənfəətdən ayrıldığını aydınlaşdırıb.

Paşa Məmmədli