İnsayder və analitik firma "Display Supply Chain Consultants"ın rəhbəri Ross Yonq bildirib ki, "Apple" iyun ayında "iPhone 16" seriyası üçün ekranların istehsalına başlayacaq. 

Valyuta.az xəbər verir ki, o, həmçinin diqqətin dörd "iPhone 16" seriyası modeli arasında istehsalın ən böyük hissəsini təşkil edəcək standart "iPhone 16" və "iPhone 16 Pro" modellərinə yönəldiləcəyini qeyd edib..

"iPhone 16" seriyasının ekran ölçüləri sələflərindən daha böyük olmalıdır. "iPhone 16 Pro"nun 6,3 düym, "iPhone 16 Pro Max"ın isə 6,9 düymlük ekrana sahib olacağı gözlənilir. Bu ilki "iPhone" displeyləri keçən ilki modellərdən 20% daha parlaq ola bilər.

"İPhone 16" seriyasının dizaynının, ehtimal edilən "kamera bağlama düyməsi" də daxil olmaqla, sələfinin dizaynına bənzəyəcəyi gözlənilir. Ən böyük dəyişiklik baza modellərinin yeni kamera bloku olacaq - onda linzalar şaquli şəkildə yerləşdiriləcək.

Gözlənilir ki, "Apple" "iPhone 16" seriyasını adi vaxtda, aşılmaz çətinliklərdən qaçaraq, sentyabrın ortalarında təqdim edəcək.

Paşa Məmmədli