Çanaqqala boğazında gəmi qəzası səbəbindən hər iki istiqamətdə gəmilərin hərəkəti dayandırılıb. 

Valyuta.az xəbər verir ki, bu barədə NTV telekanalı məlumat yayıb.

Liberiya bayrağı altında üzən, uzunluğu 183 metr olan “Sappho” tankerinin Mərmərə dənizindən Egeyə çıxışda boğazın ağzında yerləşdiyi bildirlir. 

NTV-nin məlumatına görə, mühərriklərində baş verən nasazlıq səbəbindən gəmi öz hərəkətini davam etdirə bilmir. Tankerə Türkiyə Sahil Mühafizəsinin yedək gəmiləri göndərilib və onu kanalın əsas keçid yolundan təhlükəsiz yerə aparacaqlar.

Gəmi İstanbuldan Yunanıstanın Kalamata limanına hərəkət edir.

Nicat