Ukraynaya dəstək Finlandiyanın Nazirlər Kabineti tərəfindən təqdim olunan büdcə layihəsinin diqqət mərkəzindədir. 

Valyuta.az xəbər verir ki, bu barədə Finlandiya Müdafiə Nazirliyinin saytında dərc edilmiş məlumatda deyilir.

Məlumata görə, Finlandiya müdafiə departamentinin 2024-cü il üçün büdcəsi 6,2 milyard avro həcmində planlaşdırılır ki, bu da ÜDM-in 2,3%-ni təşkil edəcək.

Press-relizdə sözlərindən sitat gətirilən Finlandiyanın müdafiə naziri Antti Hakkänenin sözlərinə görə, dünya getdikcə daha təhlükəli hala gəlir: “Çətin iqtisadi vəziyyətə baxmayaraq, müdafiə prioritet olmalıdır. Büdcəni təqdim edərkən biz Finlandiyanın müdafiə qabiliyyətinə əlavə sərmayələr qoyacağıq, NATO ölkəsi kimi əməliyyatlarımızı gücləndirəcəyik və Ukrayna dəstəyi nəzərə alacağıq”.

2024-cü ildə Ukraynaya ötürülən materiallara görə Finlandiya Müdafiə Qüvvələrinə 259 milyon avro kompensasiya ödənilməsi planlaşdırılır. Ümumilikdə müdafiə materiallarının alınması üçün 1,5 milyard avro nəzərdə tutulub.

Paşa Məmmədli