Bakıda sökülən məşhur restoranın filialı satışa çıxarıldı

Məşhur "Sheki Qala Restaurant" şəbəkəsinə daxil olan və paytaxtın Nərimanov rayonunda yerləşən "Sheki Qala Merkez" filialı satışa çıxarılıb.

Valyuta.az xəbər verir ki, bu ilin may ayında restoranın digər bir filialı – “Şəki Qala” restoranı yolun genişləndirilməsi səbəbindən sökülmüşdü.

"Şəki” restoranının sahibinin həmin vaxtlarda Mərdəkan qəsəbəsində eyniadlı obyekt tikdirdiyi deyilirdi. 

Hazırda satışa çıxarılan "Sheki Qala Merkez" filialının isə hansı səbəbdən satıldığı məlum deyil. Obyektin satış qiyməti 8 000 000 manat təşkil edir.

Yol kənarında yerləşən və ümumi sahəsi 1100 kvadratmetr olan obyekt 2 mərtəbəlidir. Hüquqi sənədi kupça ilə rəsmiləşdirilib və qeyri-yaşayış sahəsi statusuna malikdir. Birinci mərtəbə tam təchiz olunmuş restoran, ikinci mərtəbə isə ofis sahəsi kimi fəaliyyət göstərir. Hər iki obyekt uzunmüddətli və yüksək məbləğ qarşılığında icarəyə verilib.

{gallery}

Mayya Hüseynova