“Li Auto” şirkətinin baş direktoru Li Xianq smartfon bazarına girəcəkləri ilə bağlı iddialara cavab verib.

Valyuta.az xəbər verir ki, illərdir smartfon bazarında fəaliyyət göstərən “Apple”, “Samsung” kimi markaların rəqibləri gündən-günə artıb. Xüsusilə bu gün təqdim ediləcək “NIO Phone” ilə bazara girməyə hazırlaşan məşhur avtomobil şirkəti də onlardan biridir.

Elektrikli avtomobilləri ilə seçilən “Li Auto”, iddialara görə əvvəllər smartfon sənayesində çalışmış insanları işə götürüb. Bu addım şirkətin telefon biznesinə girməyə hazırlaşması kimi şərh edilsə də, məsələ ilə bağlı rəsmi açıqlama gəlib.

Li Xianq bildirib ki, smartfon bazarına daxil olmaq planları yoxdur. Telefon sənayesində çalışmış işçilərin cəlb edilməsindən danışan şirkət rəhbəri, bunun yeni bir şey olmadığını və son səkkiz ildə brend firmalar tərəfindən işə götürülən komandanın təxminən 15 faizinin bu sektordan gəldiyini bildirib.

Bu söz-söhbətlərin başlanğıc nöqtəsi Li Auto-nun  iQOO-nun keçmiş məhsul meneceri Violet Sonqu işə götürməsi kimi göstərilə bilər. Hansı ki, bu şəxs əvvəllər “Huawei”də də işləyib. Ancaq görünən odur ki, şirkət bu işçilərin istedadlarını smartfonlardan çox avtomobillərdəki texnologiyalar üçün istifadə etməyi hədəfləyir.

Elmir