Redaktor
Yeni ildə bayram süfrəsi açmaq neçəyə başa gələcək? - Araşdırma
Bayram günləri ərəfəsində bazar və marketlərdə əsas ərzaq məhsullarının qiymətləri ailə büdcəsinə ciddi təsir göstərir. Bayram süfrəsinin tərkibi isə hər ailənin zövqünə görə dəyişdiyi üçün dəqiq məbləğ göstərmək çətin olur. Bununla belə, ümumi hesabla bayram süfrəsi üçün nə qədər xərc çıxa biləcəyini təxmin etmək mümkündür.
Valyuta.az bayram süfrəsi üçün ən çox alınan məhsulların orta qiymətlərini araşdırıb.
Əsas ərzaq məhsulları
Bayram süfrəsinin təməlində duran gündəlik məhsullar üzrə qiymətlər belədir:
Ağ yumurta (1 ədəd) – 17 qəpik
Basmati düyüsü (2 kq) – 8,80-9,00 manat
Mayonez (460–500 ml) – 4,00–5,50 manat
Şəkər tozu (800 q) – 1,80–1,90 manat
Lavaş (10 ədəd) – 0,80 manat
Yaşıl noxud (700 q) – 3,50–4,00 manat
Kərə yağı (1 kq) – təxminən 24 manat
Meyvə və tərəvəz qiymətləri
Bayram süfrəsini rəngləndirən meyvə-tərəvəz məhsulları isə aşağıdakı aralıqda satılır:
Banan (1 kq) – 2,50 manat
Kartof (1 kq) – 0,90–1,20 manat
Soğan (1 kq) – təxminən 0,50 manat
Nar (1 kq) – 3,00–4,00 manat
Üzüm (1 kq) – 2,00–3,00 manat
Kələm (1 kq) – orta hesabla 0,65 manat
Qazlı içkilər (1,2l ) – 2,20-2,50 manat, Təbii şirələr - 2- 3 manat arası dəyişir
Quru meyvə və çərəzlər
Bayram süfrəsinin ənənəvi və zəruri hissəsi olan çərəzlər də (qabıqlı) büdcəyə təsirsiz ötüşmür:
Qoz (1 kq) – 9–10 manat
Fındıq (1 kq) – 9–10 manat
Şabalıd (1 kq) – 9–10 manat
Ət və toyuq məhsulları
Ət məhsullarının bayram dövründə qiymətləri ən çox hiss edilən xərclərdən biridir:
Mal əti (1 kq) – təxminən 22 manat
Kənd toyuğu (1 kq) – 8–12 manat
Hinduşka əti (1 kq) – 18–22 manat
Beləliklə ailənin bayramqabağı orta xərci nə qədər edir?
Aparılan təxmini hesablamalara əsasən, orta statistik ailənin yalnız əsas ərzaqlardan ibarət bayram səbəti 180-250 manat aralığında dəyişir. Menyuya əlavə məhsullar, desertlər və içkilər daxil edildikdə bu məbləğ daha da yüksələ bilər.
Qeyd edək ki, yuxarıda göstərilən ərzaq qiymətləri məhsulun növünə, çəkisinə görə dəyişə bilir.
Bayramınız mübarək!
Sərvanə Rəmixanova
