Yanvarda Azərbaycandan 107,6 milyonluq aqrar məhsul ixrac edilib

2026-cı ilin yanvar ayı ərzində Azərbaycandan xaricə ümumilikdə 107,6 milyon ABŞ dolları dəyərində aqrar və aqrar-sənaye məhsulları ixrac olunub.

Valyuta.az xəbər verir ki, bu göstərici 2025-ci ilin eyni dövrü ilə müqayisədə 20,5 milyon ABŞ dolları və ya 23,54% artım deməkdir. Qeyd edək ki, ötən ilin eyni dövründə aqrar və aqrar-sənaye məhsulları üzrə ixracın dəyəri 87,1 milyon ABŞ dolları təşkil edib.

Cari ilin yanvar ayında yalnız aqrar məhsullar üzrə ixracın dəyəri 85,7 milyon ABŞ dolları olub ki, bu da ötən ilin eyni dövrü ilə müqayisədə 20,9 milyon ABŞ dolları və ya 32,25% çoxdur.

Digər tərəfdən, 21,9 milyon ABŞ dolları dəyərində aqrar-sənaye məhsulları ixrac edilib ki, bu da 2025-ci ilin eyni dövrü ilə müqayisədə 300 min ABŞ dolları və ya 1,35% azalma deməkdir.

Xatırladaq ki, 2025-ci ilin yanvar ayında 64,8 milyon ABŞ dolları dəyərində aqrar, 22,2 milyon ABŞ dolları dəyərində isə aqrar-sənaye məhsulları ixrac olunub.

Tənzilə Ağabalayeva