Redaktor
Tural Hacılı: "100-dən artıq türk şirkəti Qarabağda fəal iştirak edib"
TÜİB-in missiyası və hədəfləri Azərbaycan yeni sahibkarların daxil olmasında və əlavə dəyərli məhsulların istehsalında bizim hədəflərimiz üst-üstə düşdüyü üçün bu əməkdaşlıq bizə çox maraqlıdır.
Valyuta.az xəbər verir ki, bu sözləri AZPROMO-nun icraçı direktoru 10 dekabr tarixində media nümayəndələri üçün təşkil olunmuş mətbuat konfransında çıxışı zamanı bildirib.
Onun sözlərinə görə, Türk şirkətləri Azərbaycanda çox fəaldır: "Azərbaycanda Türkiyə ən böyük xarici investorlardandır. 2023-cü il dekabrın 21-də keçirilən ilk Türkiyə-Azərbaycan forumu ümummilli lider Heydər Əliyevin 100 illiyinə həsr olunmuşdu. İlk forumda 600-dən çox iştirakçı qeydə alınmışdı. Bu il də biz 500-dən çox iştirakçı gözləyirik. Həm hökumət, həm də biznes nümayəndələrinin iştirakını gözləyirik".
T.Hacılı qeyd edib ki, son zamanlar artıq türk şirkətlərinin böyük aktivliyi görünür: "100-dən artıq türk şirkəti Qarabağda fəal iştirak edib. Eyni zamanda İstanbulda bizim ticarət nümayəndəmiz də fəaliyyət göstərir. Forum çərçivəsində Azərbaycana gələn türk iş adamlarının iqtisadi zonalara, azad zonalara səfərləri təşkil ediləcək və onlar bu ərazilər ilə tanış olacaqlar".
