Azərbaycan Birləşmiş Krallığa son 5 ildə nə qədər xidmət ixrac edib?

Azərbaycan Respublikasının Kosmik Agentliyi hər il milyonlarla dollar dəyərində telekommunikasiya xidmətləri ixrac edir. Bu xidmətlərin əsas istiqamətlərindən biri də Birləşmiş Krallıqdır.

Valyuta.az xəbər verir ki, son 5 ildə Azərbaycan Birləşmiş Krallığa 267,4 milyon ABŞ dolları dəyərində telekommunikasiya xidməti ixrac edib.

Cari ilin ilk 10 ayı üzrə Birləşmiş Krallığa ixrac edilən telekommunikasiya xidmətlərinin dəyəri 3,9 milyon ABŞ dolları olub. Ötən ilin eyni dövründə isə bu məbləğ 4,9 milyon ABŞ dolları təşkil edib. Bu illik müqayisədə 0,1 milyon ABŞ dolları və ya 20,4% azalma deməkdir.

2023-cü ilin yanvar-oktyabr dövründə Birləşmiş Krallığa 4,7 milyon ABŞ dolları dəyərində telekommunikasiya xidməti ixrac olunub.  2024-cü ilin eyni dövrü ilə müqayisədə ixrac dəyərində 0,2 milyon ABŞ dolları dəyərində və ya 4,25% artım olub.

2022-ci ilin ilk 10 ayı üzrə 5,5 milyon ABŞ dolları dəyərində telekommunikasiya xidməti ixrac olunub. Nəticə etibarı ilə 2023-cü ilin eyni dövründə bu göstərici 0,8 milyon ABŞ dolları və ya 14,54% azalaraq qeyd etdiyimiz 4,7 milyon ABŞ dolları təşkil edib.

2021-ci ilin ilk 10 ayında Birləşmiş Krallığa sözügedən ixracın dəyəri 7,4 milyon ABŞ dolları təşkil edib. 2022-ci ilin uyğun dövründə ixrac 1,9 milyon ABŞ dolları və ya 25,67% azalıb.

2020-ci ilin yanvar-oktyabr aylarında isə ixrac 8,9 milyon ABŞ dolları səviyyəsində olub. 2021-ci ilin ilk 10 ayı ilə müqayisədə bu, 1,5 milyon ABŞ dolları və ya 16,85% azalma deməkdir.

Sərvanə Rəmixanova