Karyera yolunda edilən ən böyük səhvlər: 7 qadın rəhbərin etirafları - SƏHƏR OXUSU

Uğurlu karyera çox vaxt yalnız düzgün qərarların nəticəsi kimi görünür. Halbuki reallıqda bir çox peşəkar uğurun arxasında səhvlər, yanlış seçimlər və zamanında atılmayan addımlar dayanır. Bu səhvlər bəzən insanı dayandırmır, əksinə, daha güclü qərarlar verməyə, fərqli düşünməyə və öz yolunu yenidən qurmağa vadar edir.

Valyuta.az xəbər verir ki, müxtəlif sahələrdə çalışan qadın rəhbərlərin təcrübələri də göstərir ki, karyera yolunda edilən yanlışlıqlar düzgün dərs çıxarıldıqda uğurun vacib hissəsinə çevrilə bilər.

Səhvlər uğura necə çevrildi?

Miriam Airington - Fisher (hüquq şirkətinin sahibi) bildirir ki, onun ən böyük səhvi uzun müddət öz karyera yolunu formalaşdırmaması olub. O, hüquq sahəsində mövcud iş modelini olduğu kimi təkrarladığını, yanlız illər sonra ailə-dostu və çevik bir iş modeli qurmağın mümkün olduğunu anladığını deyir.

Kimberly Paige - Böyük televiziya şəbəkəsində marketinq rəhbəri, sadə ideyaları paylaşmaqdan çəkinməyin səhv olduğunu etiraf edir. Onun sözlərinə görə, mürəkkəb problemləri sadələşdirmək bacarığı karyerasında əsas üstünlüyə çevrilib.

Wei-Shin Lai - Həkimlikdən sahibkarlığa keçən rəhbər isə deyir ki, həmişə “ekspertlərə” kor-koranə inanmaq düzgün deyil. Yanlış məsləhətlər az qala şirkətin bağlanmasına səbəb olub.

Rachel Blank - Tibbi startapın CEO-su, ən böyük peşmanlığının sahibkarlığa gec başlaması olduğunu qeyd edir. O, riskdən qorxmağın bir çox fürsəti gecikdirdiyini vurğulayır.

Amanda Royle - Texnologiya şirkətinin həmtəsisçisi, özünü ikinci plana atmağın və tükənmişliyə məhəl qoymamağın ciddi səhv olduğunu deyir. Onun fikrincə, insan əvvəlcə öz fiziki və psixoloji balansını qorumalıdır.

Tatsiana Kirimava - Mobil tətbiq şirkətinin rəhbəri, imposter sindromunun (özünə inamsızlıq) karyerasına mənfi təsir etdiyini bildirir. O qeyd edir ki, xüsusilə texnologiya sahəsində qadınlar nailiyyətlərini kiçiltməyə meyllidirlər.

Alice Kim - Moda şirkətinin CEO-su isə özünü kifayət qədər ifadə etməməyin və uğurlarını paylaşmamağın onu geridə saxladığını etiraf edir. Onun sözlərinə görə, “səssiz uğur” çox vaxt görünməz qalır.

Sərvanə Rəmixanova