"Binance" 5 kripto spot ticarət cütünü siyahıdan çıxarır

Dünyanın ən böyük kriptovalyuta birjalarından biri olan "Binance" platformasında yer alan 5 spot ticarət cütünün siyahıdan çıxarılacağını (delist) açıqlayıb.

Valyuta.az xəbər verir ki, birjanın məlumatına görə, 26 dekabr cümə günü, TSİ ilə saat 06:00-da aşağıdakı ticarət cütləri platformadan çıxarılacaq:

BIO/FDUSD
ENS/FDUSD
INJ/ETH
TREE/BNB
VTHO/TRY

Qeyd edilib ki, sözügedən cütlərin delist edilməsi həmin kriptovalyutaların "Binance" platformasından tamamilə çıxarılması anlamına gəlmir. İstifadəçilər bu aktivlərlə digər mövcud ticarət cütləri vasitəsilə alqı-satqını davam etdirə biləcəklər.

Məlumata əsasən, siyahıdan çıxarılan cütlər arasında yer alan FDUSD stabil koini "Binance"in bir müddət USDT və USDC-yə alternativ olaraq ön plana çıxarmağı planlaşdırdığı aktivlərdən biri olub. Lakin sonradan "Circle" ilə əməkdaşlıqların genişlənməsi və Tether-in bazardakı mövqeyini yenidən gücləndirməsi FDUSD-yə olan marağın azalmasına səbəb olub.

Məlumat üçün bildirək ki, FDUSD (First Digital USD) Honq-Konq mərkəzli First Digital Labs tərəfindən buraxılıb və ABŞ dollarına 1:1 nisbətində sabitlənmiş stabil koin kimi istifadə olunur.

Sərvanə Rəmixanova