“İpək Yolu Sığorta”nın yığımları yarım milyondan çox azaldı

Cari ilin ilk 11 ayında “İpək Yolu Sığorta” ASC 5 milyon 436 min manat sığorta haqqı toplayıb. 

Valyuta.az xəbər verir ki, “İpək Yolu Sığorta” ASC-nin sığorta yığımları 654 min manat və ya 10,73%  azalıb. 

Belə ki, ötən ilin eyni dövründə şirkətin sığorta yığımları 6 milyon 90 min manat təşkil edib.  

Sığorta ödənişlərində də həmçinin azalma qeydə alınıb. 

Cari ilin yanvar-noyabr aylarında şirkətin sığorta ödənişləri 227 min manat hesablanıb. 

Ötən ilin eyni dövründə isə sözügedən sığorta şirkəti 248 min manat dəyərində ödəniş həyata keçirib. 

Bu illik müqayisədə 21 min manat və ya 8,46% azalma deməkdir. 

Hesabata əsasən “İpək Yolu Sığorta” ASC cari ilin ilk 11 ayında hər 100 manatdan 4,17 manatını ödənişə ayırıb. Ötən ilin eyni dövründə isə bu rəqəm 4,07 manat təşkil edib. 

Sərvanə Rəmixanova