Bu rənglərdən ehtiyatlı olun, çox xərclətdirir - SƏHƏR OXUSU

İnsanlar vizual varlıqlardır və rənglər düşündüyümüzdən daha güclü şəkildə qərarvermə prosesinə təsir edir. Aparılan araşdırmalara görə, istehlakçıların 75 faizi məhsul seçərkən rəngi əsas meyar hesab edir, 66 faizi isə bəyənmədiyi rəngdə olan məhsulu ümumiyyətlə almır. Bu tendensiya yalnız B2C deyil, B2B bazarında da özünü göstərir.

Valyuta.az satışa birbaşa təsir edən rənglərin siyahısını təqdim edir:

Qırmızı

Ən diqqətçəkən rəng hesab olunur. Həyəcan, enerji və təcili qərar hissi yaradır. Endirimlər, kampaniyalar və “al”, “indi qeydiyyatdan keç” kimi CTA düymələri üçün effektivdir. Lakin səhiyyə və təhlükəsizlik mövzularında tövsiyə edilmir.

Mavi

Etibar, sakitlik və sabitlik rəmzidir. Bankçılıq, sığorta, IT və tibb sektorda geniş istifadə olunur. İmpulsiv deyil, düşünülmüş qərarları təşviq edir.

Sarı

Optimizm, enerji və diqqət cəlbediciliyi ilə seçilir. Aksent və endirim mesajları üçün uyğundur. Həddindən artıq istifadəsi narahatlıq yarada bilər.

Yaşıl

Təbiət, inkişaf, maliyyə və sağlamlıqla assosiasiya olunur. “İrəli”, “təsdiq et” kimi hərəkət yönümlü düymələrdə konversiyanı artırır.

Bənövşəyi

Lüks, yaradıcılıq və prestij simvoludur. Xüsusilə qadın auditoriyasında daha effektivdir. Kosmetika və kreativ sahələr üçün uyğundur.

Narıncı

Dostcanlı və enerjili təsir bağışlayır. CTA düymələri üçün ideal hesab olunur. Geniş auditoriyaya yönəlmiş məhsullar üçün münasibdir.

Qara

Premium, güc və eksklüzivlik mesajı verir. Bahalı məhsullar, avtomobil və texnologiya brendlərində geniş istifadə olunur.

Çəhrayı

Rahatladıcı və emosional təsirə malikdir. Gözəllik, HR və kreativ platformalarda daha çox istifadə edilir.

Qəhvəyi

Təhlükəsizlik, etibarlılıq və ənənəvi dəyərləri ifadə edir. Hüquq və logistika sektorunda effektivdir.

Ağ

Minimalizm və təmizlik simvoludur. Digər rəngləri ön plana çıxarmaq üçün ideal fon rolunu oynayır.

Sərvanə Rəmixanova