Bankların xalis mənfəəti 1 mlrd. manatı keçib

Cari ilin yanvar-noyabr aylarında Azərbaycanda fəaliyyət göstərən bankların xalis və əməliyyat mənfəətində artım qeydə alınıb.

Valyuta.az xəbər verir ki, banklar 1 mlrd. 058.9 mln manat xalis mənfəət əldə ediblər.

Bu, ötən ilin eyni dövrü ilə müqayisədə 92,4 mln. manat və ya 9,56 % çoxdur. Hesabat dövründə bankların əməliyyat mənfəəti də artaraq 1 651.6 mln. manata çatıb. Bu göstərici ötən ilin eyni dövründə 1,535.8 mln. manat olmuşdu. Beləliklə, əməliyyat mənfəətində 115,8 mln. manat və ya 7,54% artım qeydə alınıb.

Cari ilin 11 ayında banklar ümumilikdə 265.5 mln. manat məbləğində mənfəət vergisi ödəyiblər ki, bu da ötən ilin eyni dövrü ilə müqayisədə 33.2 mln. manat və ya 14.3% çoxdur.