Bankların aktivləri 17%-dən çox artıb

2025-ci ilin yanvar-noyabr aylarında Azərbaycanda fəaliyyət göstərən bankların cəmi aktivləri 58 milyard 748,5 mln. manat təşkil edib.

Valyuta.az xəbər verir ki, cəmi aktivlər ötən ilin eyni dövrü ilə müqayisədə 8 milyard 583,9 mln. manat və ya 17,11 % artıb. 

Belə ki, 2024-cü ilin yanvar-noyabr aylarında bank sektorunun cəmi aktivləri 50 milyard 164,6 mln. manat olub.

Hesabat dövründə bank sektorunun cəmi öhdəlikləri də artım göstərib. Belə ki, öhdəliklər ötən ilin müvafiq dövrü ilə müqayisədə 7 milyard 854,8 mln. manat və ya 9,92 % artaraq cari ilin yanvar-noyabr aylarında 51 milyard 517,4 mln. manata çatıb.

Eyni zamanda, bank sektorunun balans kapitalı da artaraq 2024-cü ildəki 6 milyard 502 mln. manatdan 7 milyard 231,1 mln. manata yüksəlib.