Azərbaycan şirkətləri Türkiyəyə 21 milyard dollar yatırım ediblər

"Azərbaycan və Türkiyə arasında qarşılıqlı yatırımların həcmi 39 milyard dollara çatıb".

Valyuta.az xəbər verir ki, bunu “MÜSİAD Azərbaycan” İctimai Birliyinin növbəti V Ümumi Yığıncağında çıxışı zamanı Türkiyə vitse-prezidenti Cevdet Yılmaz bildirib.

“Bu günə qədər Azərbaycan və Türkiyə arasında həyata keçirilən qarşılıqlı yatırımların ümumi həcmi 39 milyard dolları bulmuşdur. Dövlət olaraq bizə düşən vəzifə sizə uyğun mühit hazırlamaqdır. Keçən il Azərbaycanla ticarətimiz 8 milyard dolları buldu. Az bir rəqəm deyil, amma liderlərimiz 15 milyard dollarlıq bir hədəf qoydular. Bunun üçün daha çox çalışmamız, daha çox yatırım etməmiz, daha çox əlaqələr inkişaf etdirməmiz lazımdır. Azərbaycan MÜSİAD bünyəsində 100-ə yaxın üzv var. İnşaatdan enerjiyə, logistikadan tekstilə qədər geniş bir sahədə fəaliyyətlərini davam etdirirlər. MÜSİAD-dan gözləntimiz qarşılıqlı yatırımları artırmasıdır”, - deyə Cevdet Yılmaz bildirib.

O, həmçinin qeyd edib ki, Azərbaycan şirkətlərinin Türkiyəyə yatırımları 21 milyard dollar, Türkiyə şirkətlərinin Azərbaycana yatırımları isə 18 milyard dollar həcmindədir:

“Amma bu yetərli deyil. Ən azı ilk mərhələdə 50 milyard dolları bulmağımız lazımdır. Azərbaycan-Türkiyə münasibətlərinin daha da yaxşı səviyyələrə gələcəyindən əminik”

Tənzilə Ağabalayeva