"Atəşgah" Sığortanın yığımları azalıb

Bu ilin yanvar-noyabr aylarında “Atəşgah” Sığorta ASC-nin yığıımları azalıb.

Valyuta.az xəbər verir ki, sözügedən sığorta şirkətinin bu müddət ərzində topladığı sığorta haqqı 56 milyon 975 min manat təşkil edib.

Ötən ilin eyni dövründə isə şirkətin sığorta haqqı 59 milyon 130 min manat olub.

Beləliklə, illik müqayisədə şirkətin topladığı sığorta haqqındakı azalma 2 milyon 155 min manat və ya 3,6% olub.

“Atəşgah” Sığorta ASC-nin sığorta ödənişlərində isə artım müşahidə olunub.

Belə ki, ötən ilin yanvar-noyabr aylarında sığorta şirkətinin sığorta ödənişləri 24 milyon 472 min manat olub. 2025-ci ilin yanvar-noyabr ayında isə sığorta ödənişiləri 37 milyon 10 min manat təşkil edib.

Nəticədə, şirkətin sığorta ödənişləri illik müqayisədə 12 milyon 538 min manat 51,23% artım olub.

Tənzilə Ağabalayeva