"Colgate" 19 nəfərə əks təsir göstərdi - Bu ölkədə satışı dayandırıldı

Argentina hökuməti Colgate markasına məxsus "Total Active Prevention Clean Mint" adlı diş pastasının istifadəsini qadağan edib.

Qərar, bir neçə nəfərdə ağız boşluğunda qıcıqlanma, iltihab, xora, şişlik və yanma kimi şikayətlərin artmasından sonra verilib.

Dərmanların, Qida və Tibbi Texnologiyaların Keyfiyyətinə Nəzarət üzrə Milli Agentlik (ANMAT) tərəfindən verilən açıqlamada, bu məhsulla bağlı artıq 19 nəfərin sağlamlıq problemi yaşadığı bildirilib.

Rəsmilər vətəndaşları bu pastadan istifadə etdikdən sonra hər hansı xoşagəlməz hal müşahidə etdikləri təqdirdə, dərhal aidiyyəti qurumlara məlumat verməyə çağırır. Məhsulun təhlükəsizliyi ilə bağlı araşdırmalar davam edir.

©E-saglam.az