“Bank Intesa” İtaliyanın “Antares Vision” əczaçılıq məhsullarının etiketlənməsi üçün avadanlıq təchizatçısının Rusiya bölməsinin əməliyyatlarını bloklayıb.
 
Valyuta.az xəbər verir ki, bu barədə “Kommersant” qəzeti yazır.

100% İtaliyanın iştirak etdiyi bir bank olan “Intesa” Rusiyanın çirkli pulların yuyulması ilə mübarizə qanununa rəsmi istinad edərək “Antares Vision Rus”un əməliyyatlarını bloklayıb. Lakin əslində bu, bankın xarici təsisçisinin məktubu əsasında baş verib.

“Intesa”nın hərəkətləri nəticəsində “Antares Vision Rus” öz işçilərinə vergi və maaş ödəyə bilmir. Şirkət nümayəndələri Rusiya Mərkəzi Bankına şikayət etdiklərini açıqlayıblar .

“Antares Vision Rus” şirkətinin baş direktoru Pavel Bulqakov qeyd edib ki, 2024-cü ilin əvvəlində “Antares Vision” şirkətinin top menecmentinin dəyişilməsindən sonra İtaliya tərəfi Rusiyadakı şəxsi biznesinə qarşı qeyri-konstruktiv mövqe tutub. Bulqakovun sözlərinə görə, “Intesa”ya Rusiyadakı törəmə şirkətinin əməliyyatlarını bloklamağı əmr edən “Antares Vision” olub.

Nicat