Azərbaycanda internet problemi: Səbəb nədir?

Bu ilin iyun ayında Azərbaycan sabit genişzolaqlı internetin median sürətinə görə 180 ölkə arasında 29,47 Mb/s sürətlə 116-cı yerdə qərarlaşıb.

Sabit genişzolaqlı internetin sürətinə görə birinci yeri Sinqapur (247,29 Mb/s), sonuncu yeri isə Kuba (1,96 Mb/s) tutub.

İnternet məsələləri üzrə ekspert Vahid Qasımov Valyuta.az-a açıqlamasında bildirib ki, Azərbaycanda internetləşmənin əsas problemi ölkənin cəmi bir iri şəhərdən-Bakıdan ibarət olması ilə bağlıdır: 

“Yerdə qalan bütün regionlar isə prosesdə xeyli geri qalır. Onlar hündür mərtəbəli binalar və əhali sayına görə Bakıda xeyli geridədirlər. Bu səbəbdən də regionları yüksək sürətli optik internetlə təmin etmək provayderlərə sərf etmir. Çünki optik kabel baha başa gəlir. Ona görə də provayderlər üçün hündürmərtəbəli və çoxsaylı əhalinin yaşadığı bir binaya optik kabel çəkmək daha sərfəlidir. Belədə onlar bir kabellə xeyli sayda mənzili yüksək sürətli internetlə təmin edə bilirlər. Bu mənada onlara eyni xərclə regionlardakı həyət evləri və ya az insanın yaşadığı ikimərtəbəli binalara optik kabel çəkmək sərf etmir. Məhz bu səbəbdən regionların optik internetlə təmin olunma prosesi ləng gedir. Əhalinin rifah səviyyəsinin yüksək olmaması da prosesə öz təsirini göstərir. Ona görə də əhali adətən sürəti zəif olan və ucuz internet paketini seçir”. 

Ramiz