“Subsidiya qalmaqalı”na görə həbs edilən Elnur Haxtariyə məxsus minik avtomobili hərraca çıxarılacaq.

Valyuta.az xəbər verir ki, iyunun 12-də keçiriləcək hərracda Elnur Haxtariyə məxsus 2013-cü il istehsalı olan “Land Cruiser Prado” markalı avtomobilin satılması planlaşdırılır.

Avtomobilin ilkin satış qiyməti 39 800 manatdır. Elnur Haxtari 2020-ci ildə həbs edilib. Həmin vaxt yayılan rəsmi məlumatlarda bildirilirdi ki, Elnur Haxtari və digərləri kənd təsərrüfatına ayrılmış vəsaitləri saxta sənədlərə əsaslanan maliyyə əməliyyatları ilə nağdlaşdıraraq ələ keçirib. Elnur Haxtari məlumatlarda dəstənin rəhbəri kimi təqdim edilirdi.

Dəstənin qanunsuz maliyyə əməliyyatları nəticəsində ümumilikdə 5.000.000 manata yaxın subsidiya üçün ayrılmış maddi vəsait təyinat üzrə istifadədən yayındırılaraq mənimsənilib.

Hüseyn