2025-ci ilin ilk iki ayında Azərbaycana ən çox idxal olunan məhsullar arasında buğda əsas yerdə qərarlaşıb.

Valyuta.az Dövlət Gömrük Komitəsinə istinadən xəbər verir ki, cari ilin yanvar-fevral aylarında ölkəyə 187 min 569 ton buğda idxal olunub. Bu idxalın dəyəri 40 milyon 496 min ABŞ dolları təşkil edib.

Müqayisə üçün qeyd edək ki, 2024-cü ilin eyni dövründə buğda idxalının həcmi 134 min 870 ton, dəyəri isə 30 milyon 888 min ABŞ dolları olub. Beləliklə, illik müqayisədə buğda idxalında 52 min 699 ton və ya 9 milyon 608 min ABŞ dolları dəyərində artım qeydə alınıb.

Bununla belə, buğdanın ümumi idxaldakı payında azalma müşahidə edilib. Belə ki, 2025-ci ilin ilk iki ayında buğda idxalı ümumi idxalın 0,98 faizini təşkil edib. Halbuki, ötən ilin eyni dövründə bu göstərici 1,26 faiz idi. Nəticə etibarilə, miqdar və dəyər baxımından artım olsa da, buğdanın ümumi idxaldakı faiz payı azalıb. 

Sərvanə Rəmixanova