2025-ci ilin yanvar-fevral aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 2 milyard 8,9 milyon manat investisiya yönəldilib.

Valyuta.Az bu barədə Dövlət Statistika Komitəsinə istinadən xəbər verir. 

Məlumata əsasən, bu göstərici 2024-cü ilin müvafiq dövrü ilə müqayisədə 24,8 % daha azdı.

Bundan əlavə neft-qaz sektoruna yönəldilmiş investisiyaların həcmi 32,5 %, qeyri neft qaz sektoruna yönəldilmiş investisiyaların həcmi isə 20,8 % azalıb. 

Ümumi sərmayənin 1 milyard 50,6 milyon manatı və ya 52,3 %-i məhsul istehsalı sahələrinin, 661,5 milyon manatı və ya 32,9 %-i xidmət sahələrinin, 296,8 milyon manatı və ya 14,8 %-i isə yaşayış evlərinin tikintisinin payına düşüb.

Ümumi sərmayənin 45,2 %i dövlət, 54,8 %-i qeyri-dövlət sektorunun sərmayədarları tərəfindən qoyulub.

Sərmayə qoyuluşunun 77,6 %-i tikinti-quraşdırma işlərinə sərf edilib.

Daxili mənbələrdən əsas kapitala yönəldilmiş investisiyanın dəyəri ümumi sərmayənin 70,8 %ini təşkil edib.

2025-ci ilin yanvar-fevral aylarında əsas kapitala yönəldilmiş ümumi investisiyanın 44,8 %-i sənaye, 26,5 %-i nəqliyyat və anbar təsərrüfatı, 21,6 %-i tikinti, 2,5 %-i informasiya və rabitə, 1,7 %-i təhsil, 0,7 %-i kənd təsərrüfatı, meşə təsərrüfatı və balıqçılıq, hər biri 0,5 % olmaqla dövlət idarəetməsi və müdafiə, ticarət; nəqliyyat vasitələrinin təmiri, hər biri 0,4 % olmaqla turistlərin yerləşdirilməsi və ictimai iaşə, maliyyə və sığorta, 0,2 %-i inzibati və yardımçı xidmətlərin göstərilməsi, hər biri 0,1 % olmaqla peşə, elmi və texniki fəaliyyət, əhaliyə səhiyyə və sosial xidmətlərin göstərilməsi sahələrinə sərf edilib.

Rəhim