BAKU Azərbaycan
21.03°C
  • USD
    1.7
  • EUR
    1.9379
  • RUB
    2.1492
  • TRY
    0.0433
  • GBP
    2.3014
66774

İş axtarmaq bəzən sonsuz bir döngü kimi hiss oluna bilər. Müxtəlif işlərə müraciət ünvanlamaq, CV-ləri yeniləmək və yenə də heç bir cavab almamaq son dərəcə yorucu olar  və motivasiyanı azalda bilər. Bir çox iş axtaran bu vəziyyətdə nəyi səhv etdiyini düşünür.

Bəs iş axtararkən ən çox edilən səhvlər hansılardır?

Valyuta.az həmin səhvlərdən bir neçəsini təqdim edir:

Təcrübənin olmaması

İş axtaranların ən böyük səhvlərindən biri kifayət qədər praktik təcrübəyə malik olmamalarıdır. Müasir əmək bazarında yalnız nəzəri bilik kifayət etmir. İşəgötürənlər sizdən bu işi gerçəkdə bacardığınıza dair sübut istəyir. Diplomu və ya sertifikatları əldə etmək CV-nizi fərqləndirə bilər, amma bacarıqlarınızı real həyatda necə tətbiq etdiyinizi göstərə bilmirsinizsə, siz bu işi əldə edə bilməzsiniz.

Ona görə də güclü portfelə sahib olmaq vacibdir. İstər proqramlaşdırma, istər dizayn, istərsə də başqa bir sahədə çalışın, real layihələr təqdim etmək fərq yarada bilər. Əsas olan yalnız nə bildiyiniz deyil, bildiklərinizlə nə edə bildiyinizdir.

Strategiya qurmadan müraciətlər etmək

Bir çox iş axtaran qarşısına çıxan hər işə baş vurur və sonda bir şeylərin yoluna düşəcəyini düşünür. Lakin bu yanaşma əksinə, daha çox zərər verə bilər. İşə uyğunlaşdırılmamış, ümumi müraciətlər göndərmək sizi diqqətsiz və ya daha pisi, ümidsiz göstərə bilər. HR-lar CV-nin standart olduğunu tez anlayır və bu, şansınızı azaldır. Bunun əvəzinə daha seçici olun.

Bacarıqlarınıza və maraqlarınıza uyğun vəzifələrə müraciət edin və hər müraciət üçün CV və motivasiya məktubunuzu fərdiləşdirmək üçün zaman ayırın. Düşünülmüş müraciətlər işəgötürənlərə müsbət təsir bağışlayır.

Şəxsi brendinqinin olmaması

Bugünkü rəqəmsal dünyada şəxsi brend yaratmaq hər zamankındən daha vacibdir. Əgər “LinkedIn” profiliniz yoxdursa və ya sosial medianız bağlıdırsa, işə götürənlərin sizi tapmasını çətinləşdirirsiniz. İş axtaranlar işlərini bölüşməklə, öyrəndiklərini sənədləşdirməklə və öz sahələrində başqaları ilə qarşılıqlı əlaqədə olmaqla güclü onlayn mövcudluq yaratmağa diqqət etməlidirlər. Bu, təkcə görünmə qabiliyyəti deyil, həm də etibarlılıqdır.

Yaxşı qurulmuş şəxsi profil sizə fərqlənməyə kömək edir və sizi öz sahənizdə bilikli bir mütəxəssis kimi yerləşdirir və işə qəbul edənlərin diqqətini daha çox cəlb edir.

Şəbəkələşmənin gücünü qiymətləndirməmək

Networking iş axtarışının əvəzolunmaz bir hissəsidir, amma çoxları buna lazımi qədər önəm vermir. Artıq təkcə iş elan saytlarına güvənmək kifayət etmir. Onun yerinə sahənizdə real əlaqələr qurmağa fokuslanmaq lazımdır. İstər “LinkedIn”, istər sahə tədbirləri, istərsə də “Discord” kimi onlayn platformalar vasitəsilə əlaqələr yaratmaq yeni qapılar aça bilər.

Yalnız kimi tanıdığınız deyil, sizi kimin tanıdığı da vacibdir. Güclü şəbəkə sizə yeni fürsətlər, tövsiyələr və dəyərli məlumatlar qazandıra bilər. Əvvəlki cəhdləriniz cavabsız qala bilər, amma davamlı olmaq əsas şərtdir.

Populyar ifadələrə həddən artıq bel bağlamaq

Bir çox iş axtaran CV-lərində "motivasiya olunmuş", "komanda iştirakçısı" kimi populyar ifadələri çox istifadə edir. Bu xüsusiyyətlər əhəmiyyətlidir, amma işəgötürənlər sizdən konkret nümunələr gözləyir. Onlar sizdən iddia etdiyinizi eşitmək yox, gerçəkdə nələr etdiyinizi görmək istəyirlər. Lazımsız ifadələrdən istifadə əvəzinə, iş təcrübənizi və nailiyyətlərinizi önə çıxarın.

Həll etdiyiniz problemləri, istifadə etdiyiniz alətləri və əvvəlki işlərinizdə yaratdığınız təsiri konkret misallarla izah edin. Bacarıqlarınıza dair real sübutlar ümumi ifadələrdən daha güclü təsir bağışlayır.

"Mükəmməl" işi gözləmək

İş axtaranların etdiyi ən böyük səhvlərdən biri də "ideal" iş fürsətini gözləməkdir. Hər şeyin mükəmməl olmasını gözləməklə əla imkanları əldən verə bilərsiniz. Ən yaxşı imkanlar, hərəkətə keçənlərə nəsib olur, gözləyənlərə yox. Tam hazır olduğunuzu hiss etməsəniz belə, müxtəlif işlərə müraciət etməyə başlamaq daha doğrudur.

Son olaraq qeyd edək ki, iş axtarmaq çətin ola bilər. Lakin özünüzü düzgün namizəd kimi göstərə bildikcə, arzuladığınız vəzifəni əldə etmək daha da yaxınlaşır.

Davud

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

Son xəbərlər

"Bütün dünyada olan françayzlıq Azərbaycana gələndə forma dəyişdirir"

Rubl manat qarşısında dəyər itirir

İnnovasiya və Təchizat Mərkəzi yarım milyonluq oksigen alır

800 min manatlıq şirkətin səhmləri satıldı

"Bitcoin" 107 min dollara düşdü

“Sizi niyə işə götürək?” sualına veriləcək ən yaxşı cavablar -SƏHƏR OXUSU

DSMF-də yeni təyinat

"Apple"dan Avstraliyaya xəbərdarlıq: "Avropanı nümunə götürməyin"

Qanunsuz reklamların yayımı ilə bağlı məlumat

Bazarda satılan hər şey əmtəə hesab olunur?

Sabit tarifi necə ödəyəcəyik?- Video

Sabit tarifi necə ödəyəcəyik?- Video

“Azadoğlu Group”un yarım milyon manat vergi borcu var

Azərbaycanda daha 55 nəqliyyat vasitəsi hərraca çıxarılacaq

Ay kraterlərində trilyonlarla dollarlıq sərvət gizlənə bilər

Vergi borcu 80 mini ötən şirkət kimindir?

TŞİİB, Mətbuat Şurası və Veysəloğlu Şirkətlər Qrupu müsabiqə iştirakçıları olan jurnalistləri mükafatlandırdı®

“YouTube” ABŞ iqtisadiyyatına 55 milyard dollar qazandırıb

İcra hakimiyyətinin abadlıq işləri ilə bağlı tenderi baş tutmadı

"Atəşgah Sığorta" və "PAŞA Sığorta"dan şikayətlər artır

"2700 manat təklif edib, bizi binadan çıxarmaq istəyirlər" - Bakıda dövlət adından söküntü aparılır?

Dünyanın ən bahalı 5 brendi - ADLARI

MSK-ya məxsus “Chrysler” 3500 manata satılır

MSK-ya məxsus “Chrysler” 3500 manata satılır

Yaponiyada atalara 30 həftəlik məzuniyyət verilir - Bizdə bu hələ tənzimlənməyib

Rəşad Nəbiyev yeni vəzifəyə təyin edildi

İşıq və qaz pulunun ödənişində sabit tarifə keçid əlavə xərclər yaradacaq?

"Onlara normal maaş verilməsi üçün imkanlar var" -Deputat

Qeyri-iş günlərində qatarlar bu qrafiklə işləyəcək

"Liverpul" 150 milyona oyunçu ALDI

"Tesla" avtonom nəqliyyat qəzalarını ictimaiyyətdən niyə gizlətməyə çalışır?

Bütün xəbərlər

Xəbərin mətnində orfoqrafik səhv var

Qeydinizi daxil edin