Güzəştli ipoteka kreditlərinin limiti artırılacaq

Bir neçə gün əvvəl güzəştli ipoteka kreditlərinin saniyələr içərisində tükənməsi vətəndaşlar arasında narazılığa səbəb olub.

Bəs güzəştli ipoteka kreditlərinin limiti artırıla bilərmi?

Milli Məclisin İqtisadi siyasət, sənaye və sahibkarlıq komitəsinin sədr müavini Azər Badamov bildirib ki, güzəştli ipoteka kreditləri üçün dövlət büdcəsindən ayrılan vəsait hər il artırılır:

“İpoteka ve Kreditlərin Zəmanəti Fonduna ayrılan vəsait 2024-cü ildə 87,7 milyon manat olduğu halda, 2025-ci ildə 100 milyon manata çatdırılıb. Bu da cari iıldə 5 minə qədər vətəndaşın ipoteka kreditlərindən yararlanacağı deməkdir. Ümumiyyətlə, fond tərəfindən 52,8 minə yaxın ipoteka krediti verilib və bu da 3,4 milyard manata yaxın vəsait deməkdir”.

A.Badamov qeyd edib ki, güzəştli ipoteka kreditləri vətəndaşların mənzil almaq imkanlarını genişləndirir:

“Dövlət hər il büdcədə bu məqsədlər üçün fonda ayrılacaq vəsaiti artırmaqla ipotelka kreditləri alan vətəndaşların dairəsini genişləndirir. Hesab edirəm ki, gələn ildə də fondun limitlərində artımlar olacaq və bundan yararlanacaq insanların dairəsi daha da artacaq”.

©Modern.az