"Facebook", "Instagram" və "WhatsApp"ın sahibi olan "Meta" da ötən ilin IV rübünə dair maliyyə hesabatını açıqlayıb.

Valyuta.Az "Bloomberg"ə istinadən xəbər verir ki, şirkətin ötən ilin son rübündə əldə etdiyi gəlir əvvəlki ilin eyni dövrü ilə müqayisədə 21% artaraq 48,4 milyard dollara çatıb. "Meta" 2023-cü ilin eyni dövründə 40,1 milyard dollar gəlir əldə etmişdi.

Şirkətin xalis mənfəəti isə ötən ilin son rübündə 49% artaraq 20,8 milyard dollara yüksəlib. "Meta" 2023-cü ilin eyni dövründə 14 milyard dollar mənfəət açıqlamışdı.

Şirkətin 2023-cü ilin IV rübündə 5,33 dollar olan hər səhm üçün mənfəəti 2024-cü ilin eyni dövründə 8,02 dollara yüksəlib.

"Meta"nın gəlir və mənfəəti bu müddətdə bazar gözləntilərini üstələyib.

Şirkət 2025-ci ilin I rübündə 39,5 milyard dollar ilə 41,8 milyard dollar arasında gəlir gözlədiyini açıqlayıb.

"Meta"nın baş icraçı direktoru Mark Zukerberq şirkətin maliyyə nəticələri ilə bağlı açıqlamasında deyib: "Süni intellekt, ağıllı eynəklər və sosial medianın gələcəyi ilə bağlı işlərimizdə mühüm irəliləyişlər əldə etməyə davam edirik. Bu səylərin 2025-ci ildə daha da böyüyəcəyini görmək məni həyəcanlandırır."

Rəhim