Abid Şərifovun “Evrascon”u ilə təmizlik şirkəti üz-üzə

“Clean City Company” MMC məhkəməyə verilib. 

Valyuta.az xəbər verir ki, iddiaçı “Avro-Asiya İnşaat Korporasiyası “Evrascon” Açıq Səhmdar Cəmiyyətidir(ASC).

ASC-nin iddiasına Bakı Kommersiya Məhkəməsində baxılacaq. 

Mayın 6-na iş üzrə məhkəmə hazırlıq iclası təyin edilib. 

İclas hakim Leyla Əliyevanın sədrliyi ilə keçiriləcək.

Məhkəmə çəkişməsinin səbəbi barədə açıq mənbələrdə heç bir məlumata rast gəlinmir. 

“Clean City Company” MMC  13 iyul 2020-ci il tarixdə qeydiyyata alınıb. Şirkətin qanuni təmsilçisi Bayramlı Ülvi Qənaət oğludur. 
Şirkət təmizlik xidmətləri göstərir. 

“Evrascon” ASC-yə gəlincə, şirkətin baş nazirin keçmiş müavini Abid Şərifova məxsus olduğu bildirilir. 

Mediada gedən məlumatlara görə, Abid Şərifovun həyat yoldaşı Sədayə Yaqub qızı "Evrascon” ASC-nin səhmlərinin 22 920 ədədinin (nizamnamə kapitalının 12,15 faizi) mülkiyyətçisidir.

Şərifovların "Evrascon” ASC-yə birbaşa bağlılığını onların seçici siyahıları üzrə qeydiyyat ünvanı göstəriciləri də təsdiq edir. Onların hər ikisi Bakı şəhəri, Azadlıq prospekti, ev 144, mənzil 73 ünvanında qeydiyyatdadırlar. Bu, şirkətin reyestr göstəriciləri ilə eynilik təşkil edir.

Hüseyn