İnternet paketi niyə tez bitir? - 7 səbəb

Mobil internet bu gün həyatımızın ayrılmaz hissəsinə çevrilib. Bununla belə, bir çoxumuzun qarşılaşdığı ümumi problem var: İnternet paketləri tez tükənir. Mobil internet paketlərinin sürətlə tükənməsi istifadəçilərin onlayn fəaliyyətlərini məhdudlaşdırmaqla yanaşı, əlavə xərclərə də səbəb ola bilər.

Valyuta.az xarici mediaya istinadən xəbər verir ki, bunun bir neçə səbəbləri var.  İndi haqqında danışacağımız amillərdən bəziləri sizin internet paketinizdən xəbəriniz olmadan xərclərə səbəb olur. 

1. Avtomatik yükləmə funksiyası aktivdir
Mobil internet istifadəçilərinin tez-tez qarşılaşdıqları problemlərdən biri də avtomatik yükləmələr və yeniləmələrin işə salınması səbəbindən internet paketlərinin tez tükənməsidir.

Mobil cihazlarda quraşdırılmış proqramların mütəmadi olaraq yenilənməsi tələb oluna bilər. Bu yeniləmələr adətən arxa planda avtomatik yüklənir və quraşdırılır. Əsas yeniləmələr və ya tez-tez yenilənmələr mobil internet paketlərinin tez tükənməsinə səbəb ola bilər. Siz proqram və sistem yeniləmələrini əl ilə yerinə yetirməyi seçə bilərsiniz. Beləliklə, siz istənilən əsas yeniləmələrə və ya məlumat tələb edən yükləmələrə nəzarət edirsiniz.

2. Proqramların arxa fonda açıq olması
Mobil cihazlarda arxa fonda açılan proqramlar istifadəçilərin internet paketlərinin tez tükənməsinə səbəb ola biləcək mühüm faktordur. Bu proqramlar çox vaxt istifadəçinin xəbəri olmadan işləyir və daim məlumat mübadiləsi aparır. E-poçt, sosial media, bulud yaddaşı və digər sinxronizasiya proqramları daim arxa planda işləyir, yeni məzmun yükləyir və məlumat göndərir.

3. Ağır data istifadəsi və internet sürəti
Ağır data istifadəsi internet paketinizi istismar edən başqa bir amildir. Yüksək dəqiqlikli video axını, musiqi dinləmək və ya böyük faylları yükləmək kimi yüksək məlumat istehlakı tələb edən fəaliyyətlər mobil internet paketlərini tez bir zamanda tükəndirə bilər.

4. Sosial media proqramlarıSosial media tətbiqləri də internet paketinizi ciddi şəkildə istehlak edə bilər. Məsələn, "Instagram"da bir saat sərf etmək istəyirsinizsə, təxminən 720 MB interneti qurban verməlisiniz. Orta istifadəçi üçün "YouTube"un isə saatlıq məlumat istehlakı təxminən 300 MB hesablana bilər. "Netflix" isə 1 saatlıq videoya baxarkən 1 GB sərf edir. "Netflix"də serial və filmlərə baxarkən ağıllı olmaq üçün WIFI-dan istifadə edərək əvvəlcədən baxmaq istədiyinizi yükləyə bilərsiniz.

5. Onlayn oyunlar
Onlayn oyunlar adətən internetə daimi əlaqə tələb edir ki, bu da daimi məlumat mübadiləsinə imkan verir. Bu, mobil internet paketlərinin tez tükənməsinə və istifadəçilərin gözlənilmədən internetə çıxışını itirməsinə səbəb ola bilər.

6. Reklamlar
Mobil proqramlar və vebsaytlar tez-tez reklam gəliri əldə etmək üçün reklamlar nümayiş etdirir və bu reklamların yüklənməsi data istifadəsini artıra bilər. Xüsusilə vizual və ya video reklamlar böyük həcmdə məlumatlardan istifadə edə və mobil internet paketlərinin tez tükənməsinə səbəb ola bilər. Bu vəziyyətin qarşısını almaq üçün oflayn oynaya biləcəyiniz oyunlarda interneti söndürə və ya telefonunuza reklam bloklayıcı yükləyə bilərsiniz.

7. Avtomatik oynatmaların aktiv olması
"Instagram", "X" ("Twitter") və "TikTok" kimi sosial media platformalarında avtomatik oxunan videolar internet paketinizi tez bir zamanda istehlak edə bilər. Bunun üçün proqramların avtomatik oynatma funksiyasını söndürə və proqramlarda məlumat qənaət rejimini yandıra bilərsiniz.

Əvəz