Türkiyədən mənzil alan Azərbaycan vətəndaşlarının sayı azalıb

Türkiyə Statistika Təşkilatının (TÜİK) məlumatına görə, bu ilin sentyabr ayında əcnəbilərə 1 867 mənzil satılıb.

Valyuta.az xəbər verir ki, sentyabr ayında Azərbaycan vətəndaşları Türkiyədə 67 mənzil əldə edib və ən çox mənzil alan 10 ölkə arasında 7-ci sırada qərarlaşıb. 

Bu göstərici ötən ilin eyni ayında alınan 87 mənzil ilə müqayisədə 22,99 faiz azalma deməkdir. 

Sentyabrda əcnəbilər arasında Türkiyədə ən çox mənzil alanlar Rusiya vətəndaşları olub - 267 mənzil. Onları 202 mənzillə İran, 146 mənzillə İraq vətəndaşları izləyib.

Əcnəbilərə mənzil satışının ən yüksək olduğu şəhərlər sırasına isə İstanbul (744 mənzil), Antalya (557  mənzil) və Mersin (124 mənzil) daxil olub. 

Bu ilin ilk 8 ayında azərbaycanlıların Türkiyədən mənzil alışı aşağıdakı kimi olub:

Yanvar: 50

Fevral: 87

Mart: 66

Aprel: 59

May: 75

İyun: 71

İyul: 93

Avqust:77

Mayya Hüseynova