Ən çox iri sahibkarlar bu rayonlardadır - CƏDVƏL

2025-ci ilin oktyabrın 1-nə olan məlumata görə, ölkə üzrə 966 iri sahibkarlıq subyekti fəaliyyət göstərir.

Valyuta.az xəbər verir ki, bu sahibkarların 733 nəfəri Bakı şəhərində fəaliyyət göstərir. Bu, ümumi sayın 75,9 faizinə bərabərdir.

Ən çox iri sahibkarların fəaliyyət göstərdiyi bölgələrdən biri - Abşeron-Xızı iqtisadi rayonunda 77 iri sahibkar qeydiyyata alınıb. Bu, ümumilikdə 8 faiz pay deməkdir.

Bundan başqa Şirvan-Salyan iqtisadi rayonunda 19 iri sahibkar fəaliyyət göstərir ki, onların payı 2 faiz təşkil edir.

Gəncə-Daşkəsən iqtisadi rayonunda isə 18 iri sahibkar mövcuddur. Bu, ümumi sayın 1,9 faizinə bərabərdir.

Məlumat göstərir ki, iri sahibkarların böyük hissəsi paytaxt və ona yaxın bölgələrdə fəaliyyət göstərir.

Aşağıdakı cədvəldə iri sahibkarlıq subyektlərinin sayının iqtisadi rayonlar üzrə bölgüsü ilə daha yaxından tanış olmaq olar

Sərvanə Rəmixanova