Azərbaycanın Avropa İttifaqı ölkələri ilə ticarətdə əsas tərəfdaşları - CƏDVƏL

Bu ilin yanvar-oktyabr aylarında Azərbaycanın Avropa İttifaqı (Aİ) ölkələri ilə ticarət dövriyyəsi 17 milyard 378 milyon 310 min ABŞ dolları təşkil edib.  

Valyuta.az Dövlət Gömrük Komitəsinə istinadən xəbər verir ki, bu müddətdə Aİ ölkələrinə ixracın həcmi 15 milyard 59 milyon 992 min ABŞ dolları olub ki, bu da ümumi ixracın 69.60%-ni təşkil edir.   

Müqayisə üçün ötən ilin eyni dövründə bu göstərici 14 milyard 214 milyon 767 min ABŞ dolları (ümumi ixracın 62.50%-i) idi. Beləliklə, illik müqayisədə Aİ ölkələrinə ixrac 845 milyon 225 min ABŞ dolları artıb.  

İdxala gəlincə, cari ilin yanvar-oktyabr aylarında Aİ ölkələrindən idxalın həcmi 2 milyard 318 milyon 317 min ABŞ dolları olub. Bu, ümumi idxalın 12.06%-nə bərabərdir. Ötən ilin eyni dövründə isə bu göstərici 2 milyard 308 milyon 772 min ABŞ dolları (ümumi idxalın 13.88%-i) olub. İllik idxal dəyərində Aİ ölkələri üzrə 9 milyon 545 min ABŞ dolları həcmində artım qeydə alınıb.  

Mayya Hüseynova