Azərbaycanda viski istehsalı 48% azalıb

2025-ci ilin yanvar-noyabr aylarında Azərbaycanda 395,4 min dekalitr viski istehsal edilib.

Valyuta.az xəbər verir ki, bu göstərici əvvəlki ilin eyni dövrü ilə müqayisədə 367,7 min dekalitr və ya 48,2% azdır.

2024-cü ilin yanvar-noyabr aylarında 763,1 min dekalitr viski istehsal olunmuşdu.

Dekabrın 1-nə olan məlumata əsasən, hazır məhsul ehtiyatı 317,2 min dekalitr təşkil edir. Bu, ötən ilin eyni dövrü ilə müqayisədə 75,0% və ya 136 min dekalitr çoxdur.

Qeyd edək ki, 2024-cü ilin müvafiq dövründə hazır məhsul ehtiyatı 181,2 min dekalitr olub.