![](https://valyuta.az/file/articles/2024/07/12/1720783579_9115c750-0597-36d1-9aae-1ca01484554b_850.jpg)
Türkiyədə bu il ən bahalı təyyarə bileti 15 min, ən ucuzu isə 22 manata satılıb
Türkiyədə 2024-cü ilin ən bahalı təyyarə bileti 299 min 177 lirəyə (15 min 416,3 manat) satılıb.
Valyuta.az Türkiyə mediasına istinadən xəbər verir ki, açıqlanan hesabata görə, ilin ilk altı ayında ən bahalı beynəlxalq birtərəfli aviabilet İstanbul-Paris marşrutu üzrə 299 min 177 lirəyə satılıb. Ən bahalı beynəlxalq gediş-dönüş aviabileti İstanbul - Banqkok reysi üçün 243 min 060 lirə (12 min 522,74 manat) olub.
Daxili reyslərdə isə ən bahalı birtərəfli aviabilet İstanbul-Antalya marşrutu üzrə 9 min 117 lirəyə (469,72 manat) satılıb. Ən bahalı ölkədaxili gediş-dönüş aviabileti İstanbul-Dalaman marşrutu üçün 15 min 327 (789,67 manat) lirə olaraq qeydə alınıb. Uçuş biletlərinin qiymətləri üzrə ən ucuz dövr beynəlxalq uçuşlar üçün yanvar, daxili uçuşlar üçün isə mart ayı müəyyən edilib.
Məlumata görə, cari ilin ilk altı ayında ən ucuz daxili uçuş bileti İstanbul-İzmir reysində 432 lirəyə (22,26 manat), ən ucuz daxili gediş-gəliş aviabileti isə Balıkesir, Edremit-İstanbul marşrutu üzrə 1043 lirəyə (53,74 manat) alınıb.
Ən ucuz beynəlxalq birtərəfli aviabilet İstanbul-Tehran marşrutu üzrə 642 lirəyə (33,08 manat), ən ucuz beynəlxalq gediş-gəliş aviabileti isə İstanbul-Buxarest reysində 2 min 145 lirəyə (110,51 manat) satılıb.
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay