“Mançester Yunayted” məhşur texnologiya şirkəti “Qualcomm”la forma sponsorluğu müqaviləsi ilə bağlı qabaqcıl danışıqlar aparır.

Valyuta.az xəbər verir ki, İngiltərə nəhəngi bu müqavilə ilə ildə 60 milyon funt-sterlinq (75,1 milyon dollar) qazanmağı hədəfləyir. Ancaq forma satışlarının başladığını nəzərə alınaraq müqavilənin bu mövsüm qüvvəyə minməsi gözlənilmir. 

Mançester təmsilçisinin yarımkeçiricilər də daxil, telekommunikasiya avadanlıqları istehsal edən “Qualcomm”la daha əvvəl də əlaqələrinin olduğu bildirilir. Klub 2022-ci ilin avqustunda “Qualcomm”un törəmə brendi “Snapdragon”u tanıtmaq üçün razılığa gəlmişdi. Hansı ki, sözügedən şirkət dünyanın bir çox premium smartfonlarını, fərdi kompüterlərini, oyun cihazlarını, qoşulmuş avtomobilləri, ağıllı geyimlərini texniki detallarla təmin edir. 2022-ci il müqaviləsinin bir hissəsi olaraq “Qualcomm”, həmçinin matç günlərində azarkeşlərin təcrübəsini artırmaq üçün “Old Trafford”da mobil bağlantının planlaşdırılmış təkmilləşdirilməsi ilə bağlı “Mançester Yunayted”ə məsləhət verməyə razılaşdı.

Almaniyada yerləşən bir proqram firması olan “TeamViewer”, keçən il İngiltərə klubu ilə 47 milyon funt-sterlinq dəyərində olan beşillik müqaviləni yeniləmək istəmədiyini elan etdikdən sonra klub özünə yeni forma sponsoru axtarmağa başladı. Ancaq dekabrda “Mançester Yunayted” və “TeamViewer” forma sponsorluğu hüquqları ilə bağlı razılığa gəldilər. Hər iki tərəfin gələcək əməkdaşlıqları ilə bağlı “qarşılıqlı faydalı razılaşma əldə etdiklərini” ifadə edən bəyanat yayımlandı.

“TeamViewer”lə rəsmi anlaşmadan əvvəl klub ABŞ avtomobil istehsalçısı “Chevrolet”lə 2014-cü ildə 64 milyon funt-sterlinq dəyərində olan müqavilə bağlamışdı.

Elmir