Amerikadakı ən zəngin immiqrantlar - 2025-ci ildə rekord göstərici

ABŞ-də yaşayan milyarder immiqrantların sayı rekord həddə çatıb.

Valyuta.az xəbər verir ki, hazırda Birləşmiş Ştatlarda yaşayan və xarici ölkələrdə doğulmuş 125 milyarder ABŞ vətəndaşı var. Onlar 41 fərqli ölkədən gəlsələr də, sərvətlərini əsasən Amerikada qazanıblar. Bu immiqrantların ümumi sərvəti 1,3 trilyon dollar təşkil edir ki, bu da ABŞ-dakı ümumi milyarder sərvətinin 18 faizini təşkil edir.

Bu siyahıdakı immiqrantların əksəriyyəti texnologiya və maliyyə sektorlarında uğur qazanıblar. Onların 93 faizi öz zəhmətləri ilə varlanıb, yalnız 7 faizi sərvəti miras alıb.

Milyarder hekayələri

İlon Mask – Cənubi Afrikada doğulub, Kanadadan ABŞ-a tələbə kimi gəlib və hazırda 393,1 milyard dollarlıq sərvəti ilə dünyanın ən zəngin insanıdır.

Sergey Brin – Google-un həmtəsisçisi, Rusiyadan 6 yaşında ABŞ-a köçüb. Hazırda 139,7 milyard dollar sərvəti ilə ikinci ən zəngin immiqrantdır.

Jensen Huang – Nvidia-nın həmtəsisçisi və baş direktoru, Tayvanda doğulub, uşaqlıqda ABŞ-a köçüb. Sərvəti 137,9 milyard dollardır. 2025 siyahısında Tayvan 11 immiqrant milyarderlə İsraillə ikinci yeri bölüşür.

Lisa Su - AMD-nin baş direktoru və Jensen Huangın qohumu, Tayvandan olan yeni immiqrant milyarderlərdəndir. O, 17 qadın immiqrant milyarder arasında yer alır – bu rəqəm 2022-ci ildə 10 idi.

Maky Zanganeh - İranda doğulub, 2002-ci ildə ABŞ-a köçüb. Hazırda “Summit Therapeutics” biotexnologiya şirkətinin həmtəsisçisi və baş direktoru kimi fəaliyyət göstərir. Şirkətin ağciyər xərçəngi dərmanına dair nailiyyəti onu milyarderlər sırasına yüksəldib.

Hindistandan yüksəliş

Hindistan da 2025-ci il siyahısına ən çox yeni immiqrant milyarder əlavə edən ikinci ölkə olub (5 nəfər). Hazırda 12 hindistanlı immiqrant milyarder var. Bunlara “Alphabet”in baş direktoru Sundar Pichai, “Microsoft” rəhbəri Satya Nadella və “Palo Alto Networks”un baş direktoru Nikesh Arora və.s daxildir.

Təhsillə gələn uğur

Bir çox milyarder ABŞ-a təhsil üçün gəlib və ölkəni tərk etməyib. Məsələn, Jay Chaudhry (kibertəhlükəsizlik sahəsində), Shahid Khan (avtomobil hissələri istehsalı və NFL klubu sahibi) və Noubar Afeyan (Moderna şirkətinin həmtəsisçisi) təhsillərini və karyeralarını ABŞ-də qurublar.

Noubar Afeyan immiqrant düşüncə tərzini belə izah edir: “İmmiqrantlar hər şeyə sıfırdan başlamağın nə olduğunu bilir. Onlar heç nəyə layiq olduqlarını düşünmür, hər şeyə nail olmaq üçün çalışırlar. Bu düşüncə uğurun açarıdır”.

Ən uğurlu immiqrantlar hansı sahədədir?

– Texnologiya: 53 milyarder
– Maliyyə: 28 milyarder
– Ən çox immiqrant milyarderi olan ölkələr: Hindistan (12), Tayvan (11), İsrail (11)
– Qadın immiqrant milyarderlər: 17 nəfər

Sərvanə Rəmixanova