İlin əvvəlində “Access Bank” əmanət faizlərini kəskin azaltdıqdan sonra bankın əmanət portfeli 86,2 milyon manat azalıb və bir milyard manatdan aşağı enib.  

Valyuta.az-ın məlumatına görə, bu ilin ilk rübündə bankın əmanət portfeli 8% azalaraq 965,4 milyon manata enib. Halbuki ötən ilin sonunda bu rəqəm 1 mlrd. 51,6 milyon manat təşkil etmişdi.

Bank real vəziyyəti dəyərləndirdikdən sonra yenidən depozit faizlərini artırmağa başlayıb. Amma görünən odur ki, bu arxadan atılan daş effekti verib. Və ya ən azı birinci rübün nəticələrinə müsbət təsir etməyib. Azalma həm fiziki, həm də hüquqi şəxslərin əmanət portfeli üzrə müşahidə edilib.

Əhali üç ayda 32,8 milyon manat, şirkətlər isə 53,4 milyon manat depoziti bankdan çəkib. 

Xatırladaq ki, "Access Bank" 2002-ci ildə yaradılıb. Onun nizamnamə kapitalı 258,7 milyon manatdır. Bankın əsas səhmdarları Asiya İnkişaf Bankı (20,33%), Avropa İnvestisiya Bankı (17,76%), Beynəlxalq Maliyyə Korporasiyası (15,86%), Hollandiya İnkişaf Bankı (9,62%) və Avstriya İnkişaf Bankıdır (9,36%).

Leyli