"Labubu" milyardlar itirir, oyuncağa maraq azalır - Rəqəmlər

"Pop Mart" şirkətinin rəhbəri Wang Ning Labubu oyuncaqlarına marağın azalması fonunda sərvətinin 11,3 milyard dollarını itirib.

Valyuta.az xəbər verir ki, onun sərvəti 27,5 milyard dollardan 16,2 milyard dollara enib.

Hong Konq birjasında Pop Mart International Group səhmləri avqustdakı pik səviyyədən təxminən 40% ucuzlaşıb, bu da Wang Ningi yenidən Jack Ma-dan geri salıb.

Analitiklər bildirir ki, 2026-cı ildə şirkətin gəlir artımı 30%-ə qədər zəifləyə bilər. İstehsalın kəskin artırılması və Labubu oyuncaqlarının ikinci əl bazarında 30% ucuzlaşması tələbatın azaldığını göstərir.

Buna baxmayaraq, Pop Mart 2025-ci ilin ilk yarısında gəlirini 3 dəfə, mənfəətini isə 5 dəfə artırdığını açıqlayıb. Ekspertlər hesab edir ki, şirkətin səhmlərinin bərpası üçün ya Labubu trendi qorunmalı, ya da yeni güclü brend yaradılmalıdır.

Sərvanə Rəmixanova