Şükürbəylini seldən qorumaq üçün 7,1 milyon manat ayrıldı

Cəbrayıl rayonunun Şükürbəyli kəndində 1042 ailəlik (birinci mərhələdə 635 ailəlik) yaşayış məntəqəsinin mühəndis infrastrukturu üzrə tikinti işləri həyata keçiriləcək.

Valyuta.az xəbər verir ki, layihə çərçivəsində ərazinin sel sularından mühafizəsi məqsədilə drenaj şəbəkəsinin, istinad divarlarının, körpülərin və yağış kanalizasiya sisteminin inşası nəzərdə tutulur.

Satınalma prosesini Məcburi Köçkünlərin Sosial İnkişaf Fondu həyata keçirir. Layihənin ehtimal olunan dəyəri 7 milyon 149 min 177 manat 50 qəpik təşkil edir.

Tender 29 yanvar 2026-cı il tarixinə kimi davam edəcək. 

Mayya Hüseynova