13 milyon maaş alacaq

Futbol üzrə Türkiyə milli komandasının oyunçusu Merih Demiral Səudiyyə Ərəbistanının “Əl-Əhli” klubu ilə müqaviləsini uzadıb. Ulduz futbolçu 2029-cu ilə qədər “Əl-Əhli”nin şərəfini qoruyacaq.

Valyuta.az xəbər verir ki, bu barədə Türkiyə KİV-ləri məlumat yayıb. Demiralın ildə 13 milyon avro maaş alacağı bildirilir.

Qeyd edək ki, Merih Demiral “Əl-Əhli”də 3-cü mövsümünü keçirir.

“Sportinq”, “Alanyaspor”, “Sassuolo”, “Yuventus”, “Atalanta” kimi klublarda çıxış edən 27 yaşlı müdafiəçi 2023-cü ildə “Əl-Əhli”yə keçib.

Merih bu mövsüm ərəb komandasının heyətində 16 oyuna çıxıb və 1 qol vurub.

©Metbuat.az