"Xiaomi"yə məxsus "Poco" brendi bahalı "Xiaomi 14 Ultra" dizaynını alan ucuz smartfon C61 təqdim edib. Yeni məhsul təxminən 18 manatdan ucuz təklif olunur.

Valyuta.az bu barədə "GizmoChina" portalına istinadən xəbər verir.

"Poco C61" başqa bir "Xiaomi" smartfonunun - "Redmi A3"ün "klonu"dur. 1650x720 piksel təsvir ölçülü 6,71 düymlük IPS ekran, 90 Hz yeniləmə tezliyi və maksimum 500 nit parlaqlıq ilə təchiz edilib. Ekranın qorunması temperli "Corning Gorilla Glass 3" tərəfindən təmin edilir.

Büdcə "MediaTek Helio G36" çipi yeni məhsulun performansına cavabdehdir. 8 meqapiksellik əsas kamera 0,08 meqapiksellik sensorla tamamlanır, ön tərəfdə isə 5 meqapiksellik selfi kamerası var. 5000 mAh batareya yalnız 10 Vt-lıq təvazökar güclə doldurmağı dəstəkləyir.

"Poco C61"in digər xüsusiyyətləri arasında güc düyməsində barmaq izi skanerinin, audio yuvanın, microSD kartları üçün yuvanın və "Android 14"ün olmasıdır.

Hazırda "Poco C61" yalnız Hindistanda satın alına bilər. Yeni məhsulun qiyməti 4 GB RAM və 64 GB və 6/128 GB olan versiyalar üçün müvafiq olaraq 7,5 və 8,5 min rupidir (təxminən 154 və 174 manat).

Paşa Məmmədli