Bu ilin aprel ayının 1-nə olan məlumata görə, Azərbaycanda 132 min 640 nəfər yaşa görə sosial müavinət alıb.

Yeniavaz.com açıqlanan rəsmi məlumatlara istinadən bildirir ki, yaşa görə sosial müavinətin orta aylıq məbləği 220 manat olub.

Müqayisə üçün bildirək ki, son bir ildə yaşa görə sosial müavinət alanların sayı 13 min 393 nəfər, yaşa görə sosial müavinətin orta aylıq məbləği isə 40 manat artıb.

Məlumat üçün bildirək ki, yaşa görə sosial müavinət pensiya yaşına çatan şəxsin əmək pensiyası hüququ olmadıqda təyin olunur.
Qeyd edək ki, əmək pensiyası hüququnun olması üçün vətəndaşın ya 25 illik iş stajı olmalı, ya da pensiya kapitalı minimum həddə (hazırda 40 min 320 manat) olmağı lazımdır.

Açıqlanan rəqəmlərdən də görünür ki, son bir ildə 13 min 393 nəfər pensiya yaşına çatsa da, əmək pensiyası ala bilməyib.