“Zərdabi LTD” MMC  barəsində iqtisadi fəaliyyət qaydaları əleyhinə olan (Valyuta tənzimi qaydalarının pozulması) inzibati xəta protokolu tərtib olunub.

Valyuta.az-ın əldə etdiyi məlumata görə, protokol İnzibati Xətalar Məcəlləsinin 430.4-cü maddəsi ilə iddiası irəli sürülüb.

Qeyd edək ki, İnzibati Xətalar Məcəlləsinin 430.4-cü maddəsinə görə avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin 10 faizindən 20 faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin 20 faizindən 30 faizinədək məbləğdə cərimə edilir.

İşə 30 yanvar tarixində Bakı Şəhəri Nizami Rayon Məhkəməsinin hakimi Nəriman Mehdiyevin sədrliyi ilə baxılacaq.

Sabiq İsbəndərli