Könüllü sığorta yığımı azalıb, ödənişlər artıb

31.03.2021 / 11:09

Könüllü sığorta yığımı azalıb, ödənişlər artıb – CƏDVƏL

9962

Mərkəzi Bankın açıqladığı sığorta icmalına əsasən, bu il martın 1-nə könüllü sığorta növləri üzrə yığımlar 117 milyon 747,6 min manat olub.

Valyuta.az xəbər verir ki, həmin göstərici ötən ilin eyni dövrünə nosbətən 4,6% azdır. 2020-ci ilin martın 1-nə könüllü sığorta yığımlarının ümumi məbləği 123 milyon 466,4 min manat olub.

Azalma qeyri-həyat və əmlak sığortası üzrə yığımlarda baş verib. Martın 1-nə qeyri-həyat sığortası üzrə yığımlar 81 milyon 556,2 min manat olub. Ötən ilin eyni dövründə isə yığım məbləği 90 milyonu ötüb.

Əmlak sığortasında son 1 ildə 6,5 milyon manata yaxın geriləmə qeydə alınıb.

2021-ci ilin fevral ayının nəticələrinə görə, könüllü sığorta növləri üzrə ödənişlərdə isə artım olub. Əgər ötən ilin fevralında könüllü sığorta ödənişləri 34,2 milyon manat olubsa, bu il həmin rəqəm 67,1 milyona çatıb.

	2020		2021
Sığorta sinifləri	*fevral*		*fevral*
Sığorta sinifləri	Sığorta haqqları	Sığorta ödənişləri	Sığorta haqqları	Sığorta ödənişləri
Könüllü sığortalar üzrə - cəmi:	123,466.4	34,198.4	117,747.6	67,109.7
*o cümlədən:*
Həyat sığortası üzrə,	33,038.9	20,865.7	36,191.4	50,726.7
Qeyri-həyat sığortası üzrə, o cümlədən	90,427.5	13,332.7	81,556.2	16,382.9
Şəxsi sığorta,	58,536.8	10,128.9	56,114.9	14,000.5
tibbi sığorta	57,258.1	10,033.1	55,666.6	13,945.9
- xaricə səfər edən vətəndaşların sığortası	655.5	72.4	215.0	13.4
- fərdi qəza və xəstəlik sığortası	623.2	23.5	233.3	41.2
Əmlak sığortası	31,890.7	3,203.8	25,441.3	2,382.4