Azərbaycanda şirkət təsis edən Pakistan vətəndaşlarının sayı artır. Belə ki, Pakistan vətəndaşları ölkəmizdə 4 şirkət təsis ediblər.

Valyuta.az-ın əldə etdiyi məlumata görə, yeni yaradılan şirkətlər "RSSA ENTERPRİSES" MMC, "MEHFIL MAJLIS" MMC, "NARGİS TRADERS" MMC, "ROYAL MERİDİAN" MMC-DİR. Bu şirkətlərin hər biri 50 000 manat nizamnamə kapitalı ilə yaradılıb. 

Şirkətlərin qanuni təmsilçilərinə gəlincə isə -  Alı Rehan "RSSA ENTERPRİSES" MMC-nin, Hamza Muhammad "MEHFIL MAJLIS" MMC-nin,  Nıaz Mudassar Ahmad "NARGİS TRADERS" MMC-nin, Hussaın Abid Hussaın və Hajı Ghulam "ROYAL MERİDİAN" MMC-nin qanuni təmsilçisidir.

Qeyd edək ki, Hazırda şirkətlərin fəaliyyət istiqamətləri barədə rəsmi məlumat açıqlanmasa da, onların iqtisadi fəallığı yaxın aylarda öz əksini göstərə bilər.

Bu addım Pakistanlı sahibkarların Azərbaycan bazarına artan marağından xəbər verir və iki ölkə arasında iqtisadi əməkdaşlığın genişlənməsinin göstəricisi kimi qiymətləndirilə bilər.