Azərbaycanın Avropa İttifaqı ölkələri ilə ticarətdə əsas tərəfdaşları - TOP 10

Mart ayında Azərbaycanın Avropa İttifaqı (Aİ) ölkələri ilə ticarət dövriyyəsi 5 milyard 283 milyon 415 min ABŞ dolları təşkil edib.

Valyuta.az Dövlət Gömrük Komitəsinə istinadən xəbər verir ki, bu müddətdə Aİ ölkələrinə ixracın həcmi 4 milyard 630 milyon 411 min ABŞ dolları olub ki, bu da ümumi ixracın 72,51%-ni təşkil edir.

Müqayisə üçün ötən ilin eyni dövründə bu göstərici 3 milyard 9 milyon 716 min ABŞ dolları (ümumi ixracın 50,29%-i) idi. Beləliklə, illik müqayisədə Aİ ölkələrinə ixrac 1 milyard 620 milyon 695 min ABŞ dolları artıb.

İdxala gəlincə, cari ilin mart ayında Aİ ölkələrindən idxalın həcmi 653 milyon 6 min ABŞ dolları olub. Bu, ümumi idxalın 11,53%-nə bərabərdir. Ötən ilin martında isə bu göstərici 566 milyon 420 min ABŞ dolları (ümumi idxalın 15,26%-i) olub. İllik idxal dəyərində Aİ ölkələri üzrə 86 milyon 586 min ABŞ dolları həcmində artım qeydə alınıb.