Yanvar-fevral aylarında Azərbaycanın Avropa İttifaqı (Aİ) ölkələri ilə ticarət dövriyyəsi 7 milyard 189 milyon 623 min ABŞ dolları təşkil edib.

Valyuta.az Dövlət Gömrük Komitəsinə istinadən xəbər verir ki, bu müddətdə Aİ ölkələrinə ixracın həcmi 6 milyard 234 milyon 280 min ABŞ dolları olub ki, bu da ümumi ixracın 70,97%-ni təşkil edir.

Müqayisə üçün ötən ilin eyni dövründə bu göstərici 4 milyard 517 milyon 421 min ABŞ dolları (ümumi ixracın 55,30%-i) idi. Beləliklə, illik müqayisədə Aİ ölkələrinə ixrac 1 milyard 716 milyon 858 min ABŞ dolları artıb.

İdxala gəlincə, cari ilin yanvar-fevral aylarında Aİ ölkələrindən idxalın həcmi 955 milyon 343 min ABŞ dolları olub. Bu, ümumi idxalın 11,75%-nə bərabərdir. Ötən ilin ilk dörd ayında isə bu göstərici 787 milyon 600 min ABŞ dolları (ümumi idxalın 14,41%-i) olub. İllik idxal dəyərində Aİ ölkələri üzrə 167 milyon 742 min ABŞ dolları həcmində artım qeydə alınıb.

Maya Hüseynova