Azərbaycan Dövlət Neft və Sənaye Universiteti nəzdində fəaliyyət göstərən Azərbaycan-Fransız Universiteti (UFAZ) planlaşdırılan tenderi ləğv olunub.

Valyuta.az xəbər verir ki, tender iaşə (catering) xidmətlərinin satın alınması ilə bağlı idi və onun ümumi dəyəri 129 min 611 manat təşkil edirdi.

Tender çərçivəsində UFAZ-da keçiriləcək Fransız Mədəniyyəti Günü, Məzun Günü, birinci kurslarla tanışlıq, elmi seminar və konfranslar, eləcə də team-building tədbirləri və hakaton yarışları zamanı iaşə təminatı nəzərdə tutulmuşdu.

Bununla belə, tenderin hansı səbəblə ləğv edilməsi ilə bağlı məlumat verilməyib.